Simon Cowell groet American Idol
2010-01-12 11:25
Los Angeles - Simon Cowell, een van die beoordeelaars op die realiteitsprogram, American Idol het gesê hy gaan in Maart vir die Fox TV-program groet om sy eie sangkompetisie aanstaande jaar op die been te bring.
Cowell, een van die mees magtigste entrepreneurs in realiteitstelevisie, het alle bewerings gestaaf dat hy ‘n Amerikaanse weergawe van sy Britse program, The X Factor in 2011 na News Corp toe bring.
Cowell (50), wat bekend is vir sy sarkastiese aanmerkings, was een van die groot faktore wat ‘n rol gespeel het in American Idol se ses jaar lange sukses.
Hy het gesê hy gaan self as ‘n beoordeelaar, maar ook as ‘n uitvoerende regisseur vir The X Factor optree.
Hy het egter met sekerheid aan verslaggewers gesê dat American Idol net so suksesvol sonder hom sal wees.
Die negende reeks van dié program begin volgende week met Cowell op sy plek, asook die nuutste beoordeel, Ellen DeGeneres.
Sy neem by een van die voormalige beoordeelaars, Paula Abdul oor wat verlede jaar haar bedanking ingedien het. Cowell het egter ‘n paar wenke gegooi oor haar moontlike aansluiting by The X Factor.
Cowell het bygevoeg dat hy baie geld aangebied is om sy kontrak met American Idol te hernieu.
“Ek het egter gevoel ek wil iets anders doen. Ons het die moontlikheid bespreek om by beide programme betrokke te wees, maar dit gaan ongelukkig onmoontlik wees.”
"Ek glo nie dat Idols my program is nie, maar dit is ‘n groot deel van my lewe."
Fox het gesê The X Factor, een van die top programme in Europa en met ‘n gehoor van sowat 500 miljoen kykers oor 17 nasies, sal in herfs 2011 sy verskyning maak.
Daar is nog niemand in Cowell se plek aangestel nie, het Fox gesê.
Sowat 49% van die program se aanhangers het in ‘n peiling gesê hulle sal nie meer vir Idols kyk as Cowell weg is nie.
Fox het egter gesê hulle gaan voort met die program en gaan seker maak dit is net so ‘n groot sukses soos altyd.
-Reuters