Sienna en Rachel in die bed
2009-08-07 18:47
Sienna Miller het Valentynsdag in die bed deurgebring saam met ‘n vrou.
Die Britse aktrise het so ‘n nabye band met Rachel Nichols, haar mede-aktrise van ‘G.I Joe: The rise of Cobra’ gevorm, dat hulle besluit het om dié romantiese dag uit te sit en tyd saam te spandeer, weg van die grotendeels manlike filmspan.
“Ons het mekaar nodig gehad – dit was ‘n werksomgewing wat deur testosteroon gedomineer is – ons het eintlik Valentynsdag in my bed deurgebring,” het Miller gesê.
“Ons het almal so goed oor die weg gekom gedurende die maak van die film dat ons al ons tyd saam deurgebring het,” het Nichols bygevoeg.
Maar Nichols is nie die eerste mede-aktrise met wie Miller goeie vriende geword het nie.
Die 27-jarige blondine het baie naby geraak aan Keira Knightley toe hulle saam in ‘The Edge of Love’ gespeel het.
Miller het verduidelik: “Nou kan ons boeke uitruil. Ek het na Keira se huis gegaan vir aandete en ons het oor boeke gepraat en ‘n paar uitgeruil. Ons speel kaart en doen blokkiesraaisels in die koerant saam.”
“Ek leer op die oomblik om die fluit te speel en sy speel klavier. Ons is eintlik twee bleeksiele.”
- BANG Media International