Shia LaBeouf slaan rol los met seksvideo

2012-08-31 22:36

Los Angeles – Shia LaBeouf het ‘n seksvideo vir die regisseur Lars von Trier gestuur om sy nuwe rol in Nymphomaniac te kry.

Die 26-jarige akteur beweer hy het verskillende aspekte van sy talente aan die regisseur probeer wys deur intieme videos van hom en sy meisie aan von Trier te stuur. Daar gaan van LaBeouf verwag word om werklike sekstonele in die film te skiet.

Volgens die Huffington Post het LaBeouf op die gewilde geselsprogram Chelsea Lately verskyn en gesê hy weet nie wat om van die rol te verwag nie.

“Ek weet hy is ‘n baie gevaarlike regisseur, ek weet ons probeer iets anders doen. Ek het vir hom videos van my en my meisie gestuur waar ons seks het en dis hoe ek die werk gekry het.”

LaBeouf het voorheen gesê dat von Trier die akteurs alles “regtig” sal laat doen en dat as iets te gewaagd is sal dit maar net verdof word.

“Die fliek is wat jy dink dit is. Dit is Lars von Trier wat ‘n film maak soos wat hy dit wil maak. Soos byvoorbeeld op my kontrak staan daar dat ons alles regtig gaan doen. Alles wat onwettig is gaan ons verdof. Anders as dit gaan alles gebeur.”

Twee weergawes van die film, een meer eksplisiet as die ander, gaan vrygestel word.

– Volg Nuus24 op Twitter

 

- BangShowBiz