Sheen wil (letterlik) betaal vir sy sondes

2011-02-10 12:06

Los Angeles – Die akteur Charlie Sheen het aangebied om by te dra tot die salarisse van die produksiespan wat aan die trefferprogram Two and a Half Men gewerk het.

Verfilimg van die 45-jarige akteur se sitkom is vir twee weke gehalt terwyl hy rehabilitasie-behandeling by sy huis in Los Angeles ontvang.

Maar Sheen is glo ontsteld dat die personeel nie betaal word nie.

Volgens die skinderwebwerf TMZ het Sheen aangebied om persoonlik ‘n derde van elke personeellid se salaris te betaal vir die tyd wat die verfilming gestop is. Sheen sal dit egter net doen indien CBS en Warner Bros die res van die geld bydra.

CBS beweer niemand het hulle nog gevra om ‘n gedeelte van die personeel se salarisse te betaal terwyl verfilming gestaak word nie. Warner Bros wou nie kommentaar lewer nie.

- Vir die volledige storie besoek iol.
 
- Volg Nuus24 op Twitter.