Sheen wag vir Lohan om hom te bedank

2012-12-11 17:50

Los Angeles – Die akteur Charlie Sheen het gesê die sukkelende aktrise Lindsay Lohan het hom nog nie bedank vir die geld wat hy haar geleen het om haar skuld te betaal nie.

Hoewel Lohan aanvanklik nie sy aanbod wou aanvaar nie, het Sheen 'n tjek van $100 000 (sowat R887 000) uitgeskryf sodat die aktrise haar belastingskuld, wat sowat $244 904 (sowat R2,1 miljoen) beloop, kan betaal.

Sheen het nog nie die presiese bedrag bevestig nie, maar hy het gesê Lohan het nog nie dankie gesê nie.

"Sy is baie jonk en ordentlik en gaan net deur baie dinge. Hulle het haar geld geskuld, haar nie betaal nie, toe het ek dit maar betaal."

Sheen het verder gesê hy wag steeds vir 'n boodskap van die aktrise om dankie te sê.

– Lees meer hier

– Volg Nuus24 op Twitter