Sheen dalk beoordelaar op American Idol

2012-07-18 13:14

Londen – Die akteur Charlie Sheen sê hy is gretig om die pos as een van die nuwe beoordelaars op American Idol los te slaan.

Dié realiteitsreeks se vervaardiger, Nigel Lythgoe, het volgens Sheen sy naam genoem as ‘n moontlike beoordelaar, het Sky News Woensdag berig.

“Dit het so uit die bloute gekom dat dit amper sin maak!” het Sheen aan die American Idol-aanbieder Ryan Seacrest op dié se radioprogram gesê.

“Ek dink dit kan baie pret wees. Ernstig. Ek stel rêrig belang. Dis so anders dat dit ‘n sukses kan wees!”

Sheen, 46, het nie enige ondervinding in die musiekbedryf nie, maar Ellen DeGeneres, ‘n American Idol-beoordelaar in die negende seisoen, het ook geen musikale ondervinding gehad nie.

Jennifer Lopez en Steven Tyler het verlede week bekend gemaak dat hulle nie sal terugkeer vir die 12de seisoen van die reeks nie.

– Lees hier meer

– Volg Nuus24 op Twitter