Seksgerugte onwaar, sê Lindsay se pa

2013-01-17 10:19

Los Angeles – Die sukkelende aktrise Lindsay Lohan se pa ontken gerugte dat sy as 'n hoogs betaalde gesellin werk om haar skuld af te betaal.

Michael Lohan hou vol dat sy dogter nooit gehuur is om met ryk mans uit te gaan nie en sê berigte wat sê hy het dié nuus bevestig, is heeltemal vals.

"Ek het nog nooit, ooit so 'n stelling gemaak nie.

"Lindsay doen privaatverskynings en word daarvoor betaal. Sy word natuurlik betaal om na verjaardagpartytjies en ander geleenthede te gaan, maar vir seks? Maak jy 'n grap? Ek sal nooit so iets sê nie, omdat sy dit nooit sal doen nie."

Vroeër is berig Michael het bevestig dat sy dogter betaal word om met ryk mans uit te gaan.

Die aktrise sal weer op 30 Januarie in 'n hof in Los Angeles verskyn nadat haar proeftydperk ingetrek is omdat sy die voorwaardes daarvan oortree het.

Die stadsprokureur het vroeër 'n aansoek by die hof ingedien en gevra dat die 26-jarige aktrise se proeftydperk ingetrek word.

Die aktrise word ondermeer van roekelose bestuur aangekla en word ook daarvan beskuldig dat sy vir die polisie gejok het. Dié aanklagte hou verband met 'n ongeluk in Junie toe haar Porsche teen 'n vragmotor gebots het.

– Lees meer hier

– Volg Nuus24 op Twitter