Sean Penn hou lyf joernalis
2009-10-26 12:53
Havana – Die akteur en politieke aktivis, Sean Penn is tans in Kuba om na verwagting ‘n onderhoud met die revolusionêre leier, Fidel Castro te voer.
Die Amerikaanse vermaaklikheidswebblad, TMZ het vroeër berig dat Penn ‘n artikel vir Vanity Fair skryf oor die impak van die Obama administrasie tot dusver op Kuba.
Pres. Obama het reeds verskeie stappe geneem om 50 jaar van spanning tussen dié twee lande te verlig, soos om wette op besoeke en die stuur van geld na die eiland te verslap.
Obama het Spanje onlangs gevra om 'n boodskap na Kuba te stuur waarin pres. Raul Castro gevra word om verhoudinge met Washington te verbeter, het ‘n koerant in Madrid berig.
- AFP