Seal: Ek en Heidi gaan nié skei
2012-01-30 13:05
Los Angeles – Die sanger Seal het bekendgemaak dat hy en sy vrou, die supermodel Heidi Klum, gaan nie skei nie.
Dié twee het op 23 Januarie aangekondig dat hulle nie meer saam is nie, maar Seal weier om te aanvaar dat hul huwelik van die afgelope sewe haar verby is. Volgens hom het hulle op die oomblik net "uitmekaar gedryf".
Tydens 'n verskyning op Access Hollywood Live het die gasheer Billy Bush aan hom gevra of daar enige kanse is dat hy en Klum weer versoen sal raak.
Seal, wat egter steeds sy trouring dra al is hulle nie meer saam nie, het geantwoord: "Daar is niks om weer te versoen nie. Ons het nie 'n uitval gehad nie. Ons gaan nie skei nie. Ons is nie eens wettiglik van mekaar vervreem nie. Ons is net uitmekaar.
"Die werklikheid van die situasie is dat ons uitmekaar gedryf het. So, is daar 'n kans dat ons weer bymekaar kan uitkom? Eerlikwaar, Billy? Ek weet nie. Ek weet nie die antwoord op daardie vraag nie."
Sedert Seal en Klum aangekondig het dat hulle nie meer saam is nie woon Klum sonder haar vier kinders, Leni (7), Henry (6), Johan (5) en die tweejarige Lou by 'n hotel in Beverly Hills.
Die 38-jarige Klum het tyd op haar eie nodig terwyl Seal saam met die kinders by die familie se huis in Los Angeles woon.
– Bang Showbiz.
– Volg Nuus24 op Twitter.