Sarkozy se vrou in Woody Allen-fliek
2010-07-28 03:45
Parys - Carla Bruni-Sarkozy, die vrou van die Franse president Nicolas Sarkozy, het Dinsdag haar debuut in die fliekbedryf gemaak deur saam met die akteur Owen Wilson in ‘n fliek van Woody Allen te speel wat in Parys verfilm word.
Die veteraan-regisseur het die voormalige model op die stel van “Midnight in Paris” gegroet en verfilming het vir ure by ‘n klein supermark plaasgevind.
Die pad naby die supermark is afgebaken en haar lyfwagte was teenwoordig terwyl ‘n skare naby die stel gevorm het.
Die fliek is ‘n romantiese komedie waarin ‘n paartjie se lewe omver gegooi word deur ‘n vakansie na Parys.
Die Franse aktrise Marion Cotillard en die Amerikaanse aktrises Rachel McAdams en Kathy Bates sal ook in die fliek te sien wees.
Volg Nuus24 op Twitter
- Sapa - AFP