Sarah Brightman dalk volgende ruimte-toeris
2012-08-23 11:15
Londen – Die Britse sopraan Sarah Brightman kan die volgende toeris word om die Internasionale Ruimtestasie te besoek.
Die sangeres, bekend vir haar rolle in die West End-musiekblyspele soos Phantom of the Opera, word oorweeg as ‘n kandidaat om op die volgende sending saam te gaan, het Andrei Krasnov, hoof van vlieëniersprogramme gesê.
“Ek weet ons kollegas by Space Adventures is in gesprekke met haar om 'n moontlike kandidaat te wees,” het Krasnov bygevoeg.
Hy het ook gesê dat die aankondiging van wie die volgende ruimte-toeris gaan wees, binne die volgende twee maande gemaak sal word. Die volgende ruimte-toeris sal volgens die Interfax-nuusagentskap in 2015 vetrtrek.
Brightman het glo ‘n maand gelede Rusland toe gereis en is gesê sy sal definitief die een wees wat saamgaan.
Voormalige ruimte-toeriste sluit in Guy Laliberte, stigter van Cirque du Soleil, en Anousheh Ansari, ‘n Amerikaans-Iranse entrepreneur.
– Volg Nuus24 op Twitter
- Sapa - AFP
