Sanger se gay huwelik lek uit
2010-09-10 09:16
Kaapstad - Dit was die enigste geheim waarvan hul aanhangers nie moes uitvind nie - Rudi Claase (27) en Corlea Botha (23) van Ons Lieflinge-faam het vas geglo hul musiekloopbaan sou verby wees as die publiek ooit moes uitvind Rudi is met ’n man getroud.
Nou het die nuus in ‘n poniekoerant uitgelek en Huisgenoot berig dat Claase teen die grond is oor hierdie bekendmaking.
Volgens Huisgenoot is Claase is glo vroëer vanjaar in die Pretoriase landdroshof met sy bestuurder, Stephen Stewart (28), getroud.
“Hy is emosioneel en platgeslaan en baie depressief,” het ‘n goeie vriend aan Huisgenoot gesê.
Die tydskrif berig ook dat die sanger na bewering aan bipolêre gemoedsteurnis ly en dat hy ’n onmiddellik ‘n psigiater gaan spreek het om sy medikasie aan te pas nadat die nuus oor sy huwelik uitgelek het.
“Rudi en Corlea is beste maatjies, sy ondersteun hom,” het ‘n vriendin van hulle aan Huisgenoot vertel.
Sowat 85 000 van dié twee se CD, Ons Lieflinge/Our Darlings-album, wat verlede Augustus deur Fantasia Musiek uitgereik is, is al verkoop en amper 80 000 eksemplare hul opvolgalbum, Drome.
Claase skryf ook gereeld liedjies vir sterre soos Juanita du Plessis, Theuns Jordaan, Arno Jordaan, Rina Hugo en Sonja Herholdt.
Lees meer hier.