Sanger het nie bedmaats van MIV-status vertel
2010-08-16 14:53
Kaapstad – Die Duitse popster Nadja Benaissa het op die eerste dag van haar verhoor erken sy het nie haar bedmaats, met wie sy onbeskermde seks gehad het, ingelig dat sy MIV-positief is nie.
"Ek is jammer," het die 28-jarige aan die hof in Frankfurt gesê.
Benaissa, ‘n lid van die popgroep No Angels, is in April verlede jaar in hegtenis geneem en vanjaar in Februarie daarvan aangekla dat sy ernstige liggaamlike skade berokken het.
Indien sy skuldig bevind word kan sy tot ses maande of tien jaar tronkstraf opgelê word.
Volgens die klagstaat het sy op vyf geleenthede tussen 2000 en 2004 met drie mense seks gehad en nie aan hulle gesê sy is MIV-positief nie, alhoewel sy reeds sedert 1999 weet.
Een van die drie mense het intussen bevestig dat hy met die virus besmet is.
Benaissa sal op 26 Augustus gevonnis word.
- Vir die volledige storie besoek TimesLive.
- Volg Nuus24 op Twitter.