Sanger gee R3,7 miljoen vir Haïti
2010-02-04 09:07
Los Angeles - Die rockster John Mayer het sy hand diep in sy sak gesteek vir die oorlewendes van die aardbewing in Haïti.
Mayer het $500,000 (sowat R3,7 miljoen) aan noodlenigingswerk in dié land geskenk.
Hy het ook toestemming gegee dat The Heart of Life, die liedjie wat hy op CNN gesing het, vir 'n nuwe openbare aankondiging gebruik kan word.
Mayer is een van talle bekendes wat geld vir noodlenigingswerk in Haïti geskenk het.
Ander bekendes is Clooney, Gisele Bundchen, Sandra Bullock, Brad Pitt en Angelina Jolie.
– Contactmusic