Sandra Bullock se eks weer verloof

2012-11-20 15:02

Los Angeles – Die aktrise Sandra Bullock se eksman, Jesse James, is weer verloof.

James, wat al drie keer, insluitend met Bullock, getroud was, het sy meisie van die afgelope twee maande, Alexis DeJoria, om haar hand gevra.

DeJoria is die dogter van die miljardêr John Paul DeJoria, die medestigter van Paul Mitchell-haarprodukte.

'n Bron het verlede maand aan RadarOnline gesê die paartjie het verlief geraak omdat hulle so baie in gemeen het.

Die 43-jarige pa van drie was voorheen verloof aan Kat Von D en was ook getroud met Karla James en die aktrise Janine Lindemulder.

– Lees meer hier

– Volg Nuus24 op Twitter