SA rolprente by filmfees in Londen vertoon

2012-09-13 21:12

Kaapstad – Drie Suid-Afrikaanse rolprente sal by vanjaar se BFI-filmfees in Londen vertoon word, berig Entertainment Africa.

Dié films is drie van vyf uit Afrika wat gekies is. Die twee ander films is van Angola en Mosambiek.

Die Suid-Afrikaanse films is Accession in die fees se Dare-afdeling, Sleeper’s Wake in die First Film-kompetisie en Material in die Laugh-afdeling.

Die film Sleeper’s Wake is gegrond op die gelyknamige bekroonde roman van die Suid-Afrikaanse skrywer Alistair Morgan. Dit handel oor ’n man in sy 40's wat sy vrou en enigste kind in ’n ­motorongeluk verloor.

Material, waarin die komediant Riaad Moosa te sien is, handel oor ’n jong man wat eerder grappe wil vertel as om in sy familie se onderneming werk.

Altesaam 225 films, 111 kortfilms en 30 dokumentêre programme van 68 lande sal by die filmfees vertoon word.

– Lees meer hier

– Volg Nuus24 op Twitter