Rupert en Kristen mag 'nooit weer' saamwerk
2012-08-03 13:18
Los Angeles – Rubert Sanders se vrou het hom verbied om die regisseur van die opvolg van Snow White and the Huntsman te wees.
Die 41-jarige regisseur sou terugkeer vir die opvolg, maar Liberty Ross – wat die rol van Koningin Elena vertolk het – het hom gewaarsku om weg te bly as hy hul huwelik wil red.
Dit volg nadat hy haar met die film se ster, Kristen Stewart, verneuk het.
“Liberty het dit baie duidelik gemaak dat Rupert nie die regisseur kan wees vir die opvolg Snow White and the Huntsman nie,” het ‘n bron aan Radar Online gesê.
“Hulle probeer dinge uitwerk nadat sy buite-egtelike verhouding op die lappe gekom het. Sy wil nie hê hy moet ooit weer saam met Kristen werk nie.
“Rupert is natuurlik baie teleurgesteld, want Snow White and the Huntsman was sy debuut as ‘n regisseur en hy het gehoop hy kan daarop bou met ‘n opvolg nadat hy goeie terugvoering ontvang het.
“Maar hy weet sy dade was onverskoonbaar en hy gaan dit maar moet aanvaar en na sy vrou luister op hierdie een.”
Die bron beweer dat die studio Universal bereid is om ‘n nuwe regisseur te vind, aangesien Sanders nooit ‘n amptelike kontrak geteken het nie. Universal is vasbeslote om vas te klou aan Kristen, wat die hoofrol vertolk het.
Kristen en haar kêrel, Robert Pattiinson, het glo beide uit hul huis in Los Angeles getrek ná die voorval.
– Volg Nuus24 op Twitter
- BangShowBiz
