Romantiese Depp wen eks se hart terug

2012-11-01 09:49

Los Angeles – Die akteur Johnny Depp het bewys hy het 'n romantiese sy deur sy eks-meisie, die aktrise Amber Heard, se hart met gedigte en blomme terug te wen.

Die aktrise het volgehou dat sy enkellopend gaan bly ná haar en Depp se verhouding op die rotse beland het, maar sy het van plan verander na Johnny elke dag van September vir haar ‘n bos rose en ‘n handgeskrewe gedig gestuur het.

Heard het ingegee, en Johnny eindelik op sy private eiland in die Bahamas besoek.

“Hoewel Amber en Johnny baie goed oor die weg kom, het sy aanvanklik gevoel dat hulle albei... vir ‘n tydjie enkellopend moes bly,” het ‘n bron aan The Sun gesê.

“Johnny het egter nie moed opgegee nie. Hulle albei baie lief vir literatuur en die manier waarop hy haar probeer terugwen het, was fantasties.”

– Volg Nuus24 op Twitter