Rokke van Prinses Diana opgeveil
2013-02-21 12:30
Londen – Tien rokke wat aan die ontslape prinses Diana behoort het, sal volgende maand in Londen opgeveil word, het ‘n afslaer Woensdag gesê.
Die versameling, wat ‘n rok insluit wat sy glo gedra het terwyl sy met die akteur John Travolta gedans het, is glo £600 000 (sowat R8,2 miljoen) werd en sal op 19 Maart opgeveil word, het ‘n woordvoerder vir Kerry Taylor-afslaers aan AFP gesê.
“Party van die rokke is op amptelike staatsbesoeke aan Oostenryk, Australië, Brasilië, Indië, Suid-Korea en die Verenigde State van Amerika gedra,” het die veilinghuis gesê.
Die rokke is oorspronklik tydens 'n liefdadigheidsveiling in New York in 1997 verkoop, slegs twee maande voor die prinses se dood.
– Volg Nuus24 op Twitter
- AFP
