Roem was te veel vir Sandra se eksman

2011-12-07 11:11

Los Angeles – Die televisiepersoonlikheid Jesse James, eksman van die aktrise Sandra Bullock, blameer haar omdat sy hom "verander" het.

James en Bullock het geskei nadat hy verskeie kere ontrou was gedurende hulle huwelik van vyf jaar.

James beweer egter nou sy huwelik met Bullock het hom op 'n negatiewe manier beïnvloed.

"Ek het bekend geword, met 'n Hollywood-aktrise getrou en nie meer met enigiemand gepraat nie. Ek voel so sleg.

"Ek voel verplig om weer kontak met al die mense te maak en aan hulle te wys dat ek steeds dieselfde motorfietsman is. Nie wat ek geword het nie," het hy in die televisieprogram American Chopper: The Build-Off gesê.

Volgens James dink hy mense is al moeg om van sy persoonlike lewe te hoor en reg om hom weer te sien werk.

"Mense het al amper vergeet ek is een van die bestes in die wêreld met dit wat ek doen.

"Ek is 'n enkelpa van drie kinders en dit is 99% my lewe. Die ander 1% is my werk en kreatiwiteit en om toegewyd te wees daaraan."

– Bang Showbiz.

– Volg Nuus24 op Twitter.