Rock-ster geskok oor dogter se dwelmgebruik

2012-12-04 12:50

Los Angeles – Jon Bon Jovi het openhartig gepraat oor sy dogter se persoonlike probleme en het gesê hy was geskok toe hy uitvind die tiener gebruik dwelms, omdat hy "geen idee gehad het nie".

Stephanie Bongiovi (19) is verlede maand in 'n kamer by 'n studentewoning van die Hamilton Kollege in New York gevind nadat 'n ambulans ontbied is, het amptenare gesê.

Peter Cania, 'n ondersoekbeampte, het gesê 'n klein hoeveelheid heroïen, dagga en toerusting waarmee dwelms ingespuit word, is in die kamer gevind.

Die aanklagte is later laat vaar en Bon Jovi sê die tiener sterk goed aan, maar hy het gesê dat hy aanvanklik geskok was toe hy uitvind dat sy in die moeilikheid beland het.

"Ek is net soveel soos enige ander ouer geskok oor die situasie en ek het geen idee gehad nie. Maar dan moet jy hulle omring met die beste hulp en liefde en aanbeweeg, en dit is waar ons is."

Die sanger hoop dat dit die einde van sy dogter se probleme is.

– Lees meer hier

– Volg Nuus24 op Twitter