Robert soek antwoorde ná Kristen se vryery

2012-07-31 10:15

Los Angeles – Die akteur Robert Pattinson gaan die regisseur Rupert Sanders vra wat presies gebeur het tydens sy verhouding met Kristen Stewart.

"Rob wil met Rupert gesels om uit te vind wat presies tussen hom en Kristen gebeur het," het 'n bron gesê.

"Kristen het reeds sy vertroue verbreek, so hy is nie seker dat sy hom gaan vertel wat presies tussen haar en Rupert gebeur het nie. Rupert het 'n vrou en 'n gesin om te red, so Rob voel hy het niks om te verloor deur eerlik met hom te wees nie."

Sanders, die regisseur van Snow White and the Huntsman, en Stewart is verlede week in Los Angeles op kamera vasgevang terwyl hulle gesoen het.

Albei het intussen openbare verklarings uitgereik waarin hulle om verskoning vra vir die verhouding.

"Hy (Rob) is nie gereed om met Kristen te praat nie, dit is te pynvol, nou gaan hy na Rupert toe."

– Lees meer hier

– Volg Nuus24 op Twitter