Robbie Williams koning van poptrefferlyste

2012-11-12 10:01

Londen – Robbie Williams het Sondag die koning van die Britse poptrefferlyste geword nadat sy liedjie en album die topposisie gehaal het, het die Official Charts Company gesê.

Williams se album Take The Crown het teen 'n rits ander nuwe albums meegeding om die topposisie, wat hom sy 10de topverkoper in 15 jaar as 'n solokunstenaar besorg het.

Die gewilde violis André Rieu se album Magic Of The Movies was in die tweede plek en die groep JLS se album Evolution was in die derde plek.

Verlede week se topverkoper 18 Months deur die Skotse vervaardiger en sanger Calvin Harris het afgeskuif na die vierde plek en Military Wives se album Stronger Together is in die vyfde posisie.

Williams se liedjie "Candy" is vir 'n tweede agtereenvolgende week in die top-posisie op die Britse trefferlys. Labrinth en Emeli Sande se "Beneath Your Beautiful" is stewig in die tweede plek en The Wanted se "I Found You" is in die derde plek.

– Volg Nuus24 op Twitter

- Reuters