Rob stel Kristen voor ultimatum

2012-09-23 17:35

Los Angeles – Die akteur Robert Pattinson is glo bereid om met sy meisie, Kristen Stewart, versoen te raak indien sy instem om met hom te trou.

Pattinson (26) was platgeslaan nadat Stewart se buite-egtelike verhouding met die regisseur Rupert Sanders op die lappe gekom het.

Hy is glo "desperaat" om die aktrise nog 'n kans te gee, op voorwaarde dat sy bereid is om met hom te trou.

"Rob is al 'n ruk lank gretig om met Kristen te trou en hy sal slegs die verhouding nog 'n kans gee as hy weet dat dit vir ewig is," het 'n bron aan die Daily Star Sunday gesê.

"Hoewel Kristen sy hart gebreek het, het Rob besef hy kan nie sonder haar leef nie."

Volgens die bron sal Kristen enigiets doen om Rob terug te kry en een van sy voorwaardes is om oor hul troue en die toekoms te praat.

– Lees meer hier

– Volg Nuus24 op Twitter