Rob Kardashian se eks het hom met 20 mans verneuk

2012-12-04 14:41

Los Angeles – Rob Kardashian het uitgevaar teenoor die sangeres Rita Ora na hulle opgebreek het en beweer sy het hom met 20 mans verneuk.

Kardashian en Ora was glo vir ‘n jaar lank 'n paartjie.

Rob, Kim Kardashian se jonger broer, het op Twitter gesê dat hy gewalg is deur Rita, het Showbizspy.com berig.

“Ek is gewalg dat ‘n vrou haar lyf meer as 20 keer in minder as ‘n jaar kan opgee terwyl sy besig is om ‘n loopbaan te begin,” het Rob getweet.

“Hoe kan ‘n vrou wat besig is om haar loopbaan te begin so baie tyd hê om met so baie ouens deurmekaar te wees, en dit terwyl sy in ‘n verhouding is?”

“Sy het my met 20 ouens verneuk terwyl ons saam was, ek wonder met hoeveel gaan sy nou slaap noudat ons uit is?”

Die paartjie is glo uitmekaar oor hul besige werkskedules.

Rob, wat later sy tweets verwyder het, het ondersteuning gekry by sy suster Khloe wat vir hom ‘n ondersteunende boodskap op Twitter gestuur het.

Ora het nie kommentaar gelewer op Rob se uitlatings nie.

– Volg Nuus24 op Twitter