Rihanna weer in die arms van ou liefde
2011-08-04 11:24
Los Angeles – Die sangsensasie Rihanna en haar eerste kêrel, Negus Sealy, het weer liefde gevind tydens haar onlangse reis na Barbados.
Die "Umbrella"-sangeres en Sealy was in ‘n verhouding voordat sy bekendheid verwerf het.
Die paartjie het daarna hul verhouding beeïndig en Rihanna is toe romanties verbind met die sanger Chris Brown, wat in 2009 erken het dat hy haar aangerand het.
Nadat Rihanna en Brown uitmekaar is, was daar weer gerugte dat sy en Sealy saam is, maar sy en die kletsrymer Drake en ook die Los Angeles Dodgers-ster Matt Kemp is daarna in die publiek saam gesien.
The Sun in Brittanje beweer egter Rihanna en Sealy het nou hulle verhouding hervat.
Dié twee is tydens Barbados se jaarlikse Kadooment Dag-parade gesien waar hulle saam gedans het.
Volgens ‘n bron was Sealy heeltyd langs Rihanna gewees.
“Hy was haar eerste ware liefde. Die meisies hou almal van hom.”
– Contact Music.
– Volg Nuus24 op Twitter.