Rihanna praat oor aanranding
2009-11-05 01:50
Los Angeles - Nege maande nadat die gewilde sangers Rihanna deur haar voormalige kêrel Chris Brown aangerand is, het sy besluit om haar stilte oor die voorval te breek.
Volgens die tydskrif People, vertel Rihanna tydens ‘n onderhoud aan Diane Sawyer op die program Good Morning America van dié voorval wat haar gekneus en bebloed gelaat het.
“As dit met my gebeur het kan dit met enigiemand gebeur,” het die 21-jarige sangers tydens die onderhoud gesê.
Volgens Rihanna was dit vir haar ‘n baie moeilike tyd veral oor die spesiale plek wat Brown in haar hart hou.
“Hy was definitief my eerste liefde,” sê sy.
Die onderhoud sal Vrydag op Good Morning America te siene wees. Lees meer by www.people.com.