Rihanna, Chris Brown weer al te liefies

2012-10-03 11:06

Los Angeles – Die vermaaklikheidsterre Rihanna en Chris Brown was Maandagaand glo in 'n nagklub in New York baie liefies met mekaar.

Die gewese paartjie het mekaar op die dansvloer van die nagklub Griffin gesoen voordat hulle na 'n meer private deel van die klub beweeg het.

'n Bron het aan Celebuzz gesê Brown het eerste na die tafel gegaan waar Rihanna gesit het. 

Die R&B-sanger het glo op die tafel vir Rihanna gedans "en die twee het baie ingenome met mekaar gelyk" terwyl hulle mekaar omhels en gesoen het. 

Volgens berigte het die twee hulle ook vir 30 minute saam in 'n badkamer toegesluit terwyl lyfwagte voor die deur wag gehou het.

Rihanna en Brown is sedert Februarie 2009 nie meer 'n paartjie nie nadat hy haar in 'n motor aangerand het. 

Hulle het tydens die MTV Video-musiektoekennings in September ook mekaar in die openbaar gesoen en mekaar omhels toe Brown die toekenning vir die beste video deur 'n manlike kunstenaar gewen het.

– Bang Showbiz.

– Volg Nuus24 op Twitter.