Rihanna, Chris Brown glo wéér saam

2012-12-27 17:58

Los Angeles – Rihanna en Chris Brown is glo wéér saam.

Die "Diamonds"-sangeres, wat vroeër vanjaar haar verhouding met die "Turn Up The Music"-sanger hervat het, voordat hulle vandeesmaand gerugte oor 'n verhouding ontken het, het verlief gelyk terwyl hulle op Kersdag na 'n basketbalwedstryd van die LA Lakers gaan kyk het.

Rihanna, wat gereeld in Brown se oor gefluister het, het 'n goue halssnoer aangehad wat glo 'n geskenk is van die sanger.

Volgens die skinderwebwerf TMZ het dié twee in dieselfde motor by die Staples-sentrum in Los Angeles aangekom, maar hulle het nie saam ingestap nie.

Rihanna en Brown is in 2009 uitmekaar nadat hy haar in 'n motor aangerand het. 

– Bang Showbiz.

– Volg Nuus24 op Twitter.