Rihanna, Chris Brown deel 'n soen in die openbaar

2012-09-07 23:00

Los Angeles – Rihanna en haar ekskêrel, Chris Brown, het Donderdagaand tydens die MTV Video-musiektoekennings 'n soen met mekaar in die openbaar gedeel.

Die gewese paartjie, wat sedert Februarie 2009 nie meer saam is nie nadat hy haar in 'n motor aangerand het, het mekaar omhels toe Brown die toekenning vir die beste manlike video gewen het.

Rihanna het daarna ook vir hom 'n soentjie op sy wang gegee om hom geluk te wens.

Rihanna het op haar beurt self die grootste toekenning van die aand ingepalm toe sy met die toekenning vir die video van die jaar vir haar liedjie "We Found Love" weggestap het. 

Sy het onlangs erken dat sy steeds gevoelens vir Brown het en dat sy dit moeilik vind om normaal rondom hom te wees wanneer hulle mekaar sien.

– Contact Music.

– Volg Nuus24 op Twitter.