Reusenes in Robertson te sien
2011-02-04 10:45
Kaapstad - Jody Joyner, ‘n landskapkunstenaar van Arizona, VSA, het pas klaargemaak met ‘n reusenes uit hibiskus-takkies gemaak.
Dié nes kan by Soekershof: Private Mazes & Botanical Gardens in Robertson gesien word, het Herman Van Bon, eienaar van Soekershof, per e-pos aand Nuus24 gesê.
Die inspirasie agter die nes is die baie gevlegte voëlneste in die ou deel van die Klaas Voogds-rivier wat deur die tuine stroom.
Joyner is al vir ‘n paar maande besig met ‘n wêreldtoer.
Voor sy met die projek in Suid-Afrika begin het, was sy betrokke by die Landartgenerator in Dubai en het sy ‘n projek in die Louvre Museum in Parys gehad.
Sy is nou op pad na Australië waar sy saam met lede van die inheemse Aborigine-bevolking aan ‘n projek gaan werk. Van daar skiet sy weer oor na die noorde van Kanada waar sy ‘n projek saam met die Inuïet-bevolkingsgroep, wat meestal in die Noorde van Kanada bly, gaan begin.
Haar taak in Suid-Afrika was deel van die Land Art Project wat deur Soekershof begin is. Dit is ‘n privaat projek wat glad nie finansieel deur die regering ondersteun word nie.
-Volg Nuus24 op
Twitter.