Realiteitsreeks mik om hoog te vlieg
2010-03-24 02:39
Miami – Fly Girls is ‘n nuwe realiteitsreeks wat die lewens van vyf lugwaardinne van Virgin America sal volg soos wat hulle om die land vlieg.
Die agt halfuur uitsendings sal fokus op die lugwaardinne waar hulle ‘n huis in Los Angeles deel, lang ure werk en moeilike passasiers moet hanteer.
Natuurlik word daar ook gefokus op hul aftyd waar hulle in stede soos Las Vegas, Miami en New York sal oorbly.
Die reeks, wat dié week in Amerika op die CW-kanaal sal afskop, beloof om verhale van romans, familie en vriendskappe in te hou.
“Alles wat jy gaan sien is eg – al die verhoudings, al die reaksies,” het Jeff Collins, die uitvoerende vervaardiger van die reeks, gesê.
“Die reeks self is vol verrassings, sommige baie persoonlik, maar dit is alles eg. Jy kan dit nie opmaak nie.”
- Sapa-AP