Rambo dalk weer op die silwerdoek

2012-11-15 14:25

Rome – Die aksieheld Rambo kan dalk vir 'n laaste stryd na die silwerdoek terugkeer, het die Hollywood-veteraan Sylvester Stallone gesê.

Stallone het Woensdagaand die wêreldpremière van sy nuwe aksiefilm Bullet to the Head by 'n filmfees in Rome bygewoon.

"Die Rambo-ding is hoekom ek nie aftree nie. Ek sien net 'n ou wat nooit kan huis toe gaan nie. Daar moet 'n oorlog wees en ek sien hom daar sterf," het Stallone gesê oor die rol van die Viëtnam-veteraan wat hy in 'n reeks van vier films vanaf 1982 tot 2008 vertolk het.

"As my verdomde liggaam dit kan doen, sal dit regtig goed wees. Andersins sal dat nie Rambo-gevegte wees nie, maar Rambo se stryd teen artritis," het die 66-jarige Stallone gesê.

– Volg Nuus24 op Twitter

- AFP