Radcliffe nie vriende met sy mede-ster
2012-01-24 12:58
Londen – Hulle was dalk beste vriende in die Harry Potter-films, maar Daniel Radcliffe en Rupert Grint se verhouding in die regte lewe is ‘n perd van ‘n ander kleur, het die Daily Mail Dinsdag berig.
Die film se hoofkarakter het erken dat hy skaars met sy rooikop mede-ster praat, maar dat hy goeie vriende met sy vroulike mede-speler Emma Watson is.
Die 22-jarige Radcliffe het die eerlike verklaring onlangs in ‘n gesprek met die Sunday Mirror gemaak.
“Daar is hierdie idee dat Emma Watson, Rupert en ek beste vriende is wat altyd saam uithang,” het hy gesê.
“Ek gaan dit net sê – Emma en ek SMS gereeld, maar ek en Rupert SMS mekaar nooit nie, ons sien mekaar nooit.
“As ek hom so elke ses maande of so sien is dit ‘n vriendelike ‘Hallo, hoe gaan dit?’ Maar dit is omtrent al,” het hy bygevoeg.
– Lees meer by die Daily Mail
– Volg Nuus24 op Twitter