Prins Harry, Chelsy kruip glo in kattebak weg
2011-02-07 14:20
Londen – Prins Harry en Chelsy Davy het glo ‘n aandjie uit in Londen spandeer en gerugte doen nou die ronde dat hulle weer saam is.
Die gewese paartjie is in die kattebak van ‘n Jaguar deur ‘n chauffeer van die Beaufort House, wat slegs vir privaat lede is, weggery.
Die bagasie in die voertuig was na voor geskuif terwyl sekuriteitspersoneel Harry en Chelsy in die kattebak gelaai het.
Dié twee se aandjie saam uit het gerugte laat ontstaan dat hulle dalk weer saam is nadat hulle verlede jaar opgebreek het.
Chelsy, ‘n Suid-Afrikaner, het Vrydag eers na Suid-Afrika teruggekeer. Sy en Harry het vir vyf jaar uitgegaan voordat hulle glo verlede jaar November opgebreek het.
Harry het haar glo ook na prins William en Kate Middleton se troue genooi.
‘n Woordvoerder wou nie oor die prins se privaat lewe kommentaar lewer nie.
- Vir die volledige storie besoek The Telegraph.
- Volg Nuus24 op Twitter.