Pornoster glo "nie verban"
2009-10-16 16:48
Djakarta – Indonesië het mediaberigte ontken dat hulle ‘n Japanese pornoster verbied het om dié Moslemland te besoek om ‘n komedie te verfilm.
Ukus Kuswara, beampte van die minesterie van kultuur en toerisme, het gesê die rolprent se produksiemaatskappy het self besluit om die 23-jarige Maria "Miyabi" Ozawa se besoek uit te stel weens druk van geloofsgroepe.
“Ons het nie opdrag gegee om Miyabi se besoek aan Indonesië te verbied nie.”
“Die inisiatief was deur die rolprentvervaardiger geneem in oorweging met druk wat vanaf sommige groepe gekom het,” het Kuswara bygevoeg.
Moslem-leiers en Islamietiese groepe het sterk teenkanting teenoor Ozawa se besoek uitgespreek.
Ozawa sou haarself in ‘n rolprent getiteld Menculik Miyabi, speel. Dit handel oor ‘n groep studente wat haar per ongeluk ontvoer.
Odi Mulya Hidayat, uitvoerende vervaardiger, het gesê Miyabi se besoek aan die land gaan herskeduleer word, en die eiland van Bali is genoem as tweede keuse om die rolprent te skiet.
Hy het gesê die ster was ook oor haar veiligheid bekommerd weens die optogte en dreigemente deur Islamietiese aktiviste.
- AFP