Playboy-baas stomgeslaan oor verlore liefde

2011-07-15 13:33

Los Angeles – Hugh Hefner, Playboy-baas, vermoed sy gewese verloofde, Crystal Harris, het hul verlowing verbreek omdat sy nuwe liefde gevind het.

Harris het haar verlowing aan Hefner sowat ‘n week voordat hulle sou trou, verbreek.

Hefner het in sy eerste televisie-onderhoud, sedert Harris hom verlaat het, aan Piers Morgan gesê hy weet nie hoe die verhouding skeefgeloop het nie.

“Ek dink met tyd sal ons meer weet. Ek dink daar is ten minste een ander kêrel in die prentjie.”

Hefner sê hy is ook daarvan oortuig dat Harris, wat haar debuut-enkelsnit vier dae voor hul beplande troudag bekendgestel het, meer geïnteresseerd was in die roem as om sy vrou te wees.

“Ek dink haar loopbaan was belangriker vir haar. Toe ons in Londen was het sy meer aan haar liedjie gedink as ons verhouding.”
 
– Contact Music.

– Volg Nuus24 op Twitter.