Paula groet American Idols
2009-08-05 08:58
Los Angeles – Die Fox-TV-kanaal in Amerika het aangekondig dat Paula Abdul, een van die American Idol-beoordelaars, haar aan dié reeks onttrek het.
Op haar profiel op die sosiale netwerk Twitter het sy Dinsdagaand geskryf dat sy “met hartseer in haar hart” besluit het om nie na dié televisie-reeks terug te keer nie.
Fox het in ‘n verklaring gesê dat Abdul “’n belangrike deel van American Idols is” en dat hulle hartseer is omdat sy die reeks gaan verlaat.
Fox het Maandag aangekondig dat die nuwe beoordelaar, Kara DioGuardi, gaan terugkeer vir ‘n tweede seisoen van die reeks.
Sapa-AFP