Pattinson sal pornografiese rolle oorweeg

2012-11-16 13:26

Los Angeles – Die Hollywood-hartebreker Robert Pattinson sal graag 'n volwasse weergawe van Twilight wil verfilm, het hy in 'n onderhoud gesê.

Pattinson, wat tans besig is om die laaste film in die vampierromanse-reeks Breaking Dawn Part 2, te bemark, het in 'n onderhoud met Daily Star gesê hy sal nie omgee om die rol van Edward Cullen in 'n volwasse weergawe van die film te vertolk nie.

"Ek het al baie daaraan gedink om pornografie te doen. Ons kan volwasse weergawes van die Twilight-films doen. Ek hou nogal van Banging Dawn."

Pattinson het ook vroeër vandeesweek by die première van Breaking Dawn Part 2 in Londen gesê hy wou graag 'n motor as aandenking hou wanneer die film eindig, maar dié plan is egter in die wiele gery.

"Ek het probeer om 'n Volvo te steel, maar hulle wou my nie toelaat om dit te vat nie."

– Lees meer hier

– Volg Nuus24 op Twitter