Paris Hilton met kokaïne betrap
2010-08-28 17:22
Las Vegas – Die sosiale vlinder, Paris Hilton, is Vrydagaand in Las Vegas in hegtenis geneem nadat sy met kokaïne in ‘n motor gevang is, het owerhede gesê.
Volgens Marcus Martin, polisiewoordvoerder in Las Vegas, is Hilton Saterdagoggend vroeg in aanhouding geneem en later weer vrygelaat.
Hilton (29) was glo in ‘n motor wat deur ‘n vriend bestuur is toe die motor net voor middernag deur beamptes gestop is.
Volgens Martin het die beamptes vermoed dat daggarook uit die motor gekom het.
Die beamptes het Hilton met middels gevang wat soos dwelms gelyk het. Toetse het later getoon dat dit kokaïne was, het Martin gesê.
Martin weet nie hoeveel kokaïne gevind is nie.
‘n Moontlike datum van ‘n hofsaak is nog nie bekend nie.
Volg Nuus24 op Twitter.
- Sapa - AP