Oud Mej. SA binnekort op gewilde sepie te sien
2012-08-25 22:49
Johannesburg – Die voormalige Mej. Suid-Afrika, Nicole Flint, gaan binnekort in die televisiereeks The Wild te sien wees, het City Press berig.
Die 24-jarige skoonheid van Pretoria, wat in 2009 met titel bekroon is, sal van 4 September op die sepie te sien wees.
Sy sal die rol van ‘n jong gas, Lily, by die Dinaledi Lodge vertolk wat haar kop probeer skoonkry en ‘n breuk soek van die stadslewe. Nietemin sal sy opgesweep raak in die intrige van die wildreservaat.
Daar ongelooflike skoonheid wek groot belangstelling by die werkers van Dinaledi wat spanning en jaloesie tot gevolg het.
“Dit was ‘n ongelooflike ervaring om met die span van The Wild te werk. Ek sal hierdie ervaring vir altyd onthou,” het sy gesê
Flint, wat aanvanklik in die radiobedryf was, het ook op verskeie televisie-advertensies verskyn en is die aanbieder van eTV se Tropika Island of Treasure saam met die 5FM-omroeper Fresh.
– Volg Nuus24 op Twitter
- City Press
