Oscar-wenner sterf op 96

2013-02-20 16:20

Los Angeles – Petro Vlahos, wat spesiale effekte vir rolprente gedoen het en twee Oscars gewen het, is in die ouderdom van 96 oorlede.

Vlahos se maatskappy, Ultimatte, het Dinsdag gesê dat Vlahos op 10 Februarie dood is. Geen verdere besonderhede is bekend gemaak nie.

Vlahos, wie se blou- en groenskerm tegnieke die hedendaagse rolprente soos Avatar en Star Wars moontlik gemaak het, is bekend vir sy werk aan die lokettreffers Mary Poppins en Ben Hur.

Hy het saam met sy seun Paul die Ultimatte Corporation in 1976 gestig.

– Volg Nuus24 op Twitter

- Sapa - AP