Oscar se peperduur Kersgeskenk

2013-01-20 13:15

Johannesburg – Die atleet Oscar Pistorius het 'n McLaren- supermotor aangeskaf as 'n Kersgeskenk vir 'n suksesvolle jaar, het die Sunday Times berig.

"Ek bestuur 'n  McLaren – 'n geskenk wat ek vir myself vir dié Kersfees en die volgende een gekoop het," het hy aan die koerant gesê.

Die motor word volgens berigte vir meer as R3,5 miljard verkoop.

Pistorius het gesê hy het die motor gekoop omdat hy homself ná 'n "goeie jaar" wou bederf.

Hy het verlede jaar die eerste atleet met ’n dubbele amputasie geword wat aan die Olimpiese én Paralimpiese Spele deelgeneem het.
    
– Volg Nuus24 op Twitter

- SAPA