Oscar Pistorius tango op Italiaanse televisie
2012-01-11 12:10
Kaapstad – Oscar Pistorius het sy lemme onlangs vir 'n paar vlugvoetige dansskoene verruil toe hy op 7 Januarie as 'n gas in die Italiaanse weergawe van Dancing With the Stars, Ballando con le stelle, 'n tango gedans het, berig Sarie.com.
Volgens sy tweets op Twitter was sy dansmaat, Annalisa Longo, baie geduldig en moes hy hard oefen om dié moeilike dans só vinnig aan te leer.
Hy het met Sarie.com oor sy ervaring gepraat en gesê dit was groot pret.
"Om hierdie dans in net ‘n paar ure te leer was nogal ‘n uitdaging. Maar toe ek dit eers reggekry het, het ek dit baie geniet. Ek het ‘n fantastiese dansmaat, Annalisa Longo, gehad en sy het dit vir my baie maklik gemaak om die tango te leer.
"Ek dink darem nie ek sal in die toekoms dans as ‘n stokperdjie beoefen nie, hoewel ek dit baie geniet het. Ek sal die dansery maar vir die pro's los.”
– Volg Nuus24 op Twitter.