Operasanger aangekla oor tik in motor

2012-10-07 15:00

San Diego – 'n Talentvolle Mexikaanse operasanger is in San Diego vir dwelmhandel in hegtenis geneem nadat metamfetamien (tik) in sy motor gevind is.

San Diego se prokureurskantoor het gesê die 23-jarige Maximino Vazquez word aangekla vir die vervoer en besit van metamfetamien met die doel om dit te verkoop.

Vazquez van die Mexikaanse staat Tijuana is op 19 September deur die polisie afgetrek en byna 20 kg van die dwelmmiddel is in 'n versteekte kompartement van sy motor gevind.

Amptenare sê dié hoeveelheid dwelms het 'n straatwaarde van ongeveer $500 000 (sowat R4 miljoen).

Vazquez kan tot 14 tronkstraf kry as hy skuldig bevind word.

Sy vriende het aan AFP gesê dat Vazquez waarskynlik gedwing is om die motor te bestuur.

Volg Nuus24 op Twitter.

- SAPA