'Ons verdien ook privaatheid' – Travolta

2012-09-21 23:00

Londen – Die Amerikaanse akteur John Travolta sê privaatheidswette moet bekendes van die tipe blootstelling waaraan Kate Middleton onderwerp word, beskerm.

Skindertydskrifte het vandeesweek naakfoto's, wat tydens 'n privaatvakansie geneem is, van prins William se vrou gepubliseer.

Travolta het Vrydag in 'n onderhoud aan die BBC gesê, "dit die ergste om in vandag se tyd bekend te wees."

"Daar is 'n reg tot privaatheid of jy bekend is of nie en ek voel dat enigiemand wie se regte so geskend word...niemand sal tog daarvan hou nie."

Travolta verskyn in die Amerikaanse regisseur Oliver Stone se nuutste rolprent, Savages, wat Vrydag in Brittanje begin draai.

Dit is die akteur se eerste fliek sedert 2010.

Volg Nuus24 op Twitter.

- Sapa - AP