'Octomom' se porno-geld geblaas

2013-01-07 09:02

Los Angeles – Nadya Suleman, oftewel Octomom, wat wêreldwyd bekendheid verwerf het toe sy aan 'n agtling geboorte geskenk het, is vyf maande ná sy haar laaste welsynsgeld ontvang het, wéér op staatshulp aangewese.

Die skinderwebwerf TMZ berig dat Suleman die meeste van die spaargeld wat sy opsygesit het danksy haar roem, spandeer het by 'n rehabilitasiesentrum waar sy in Oktober verlede jaar tuisgegaan het.

Suleman het verlede week vir staatshulp geregistreer omdat sy nie spaargeld oorhet nie.

Die ma van 14 sal voortaan moet klaarkom met $1 800 (sowat R15 200) per maand vir kos, $1 000 (sowat R8 400) vir noodgevalle, en mediese dekking van die staat.

Sy het die meeste van haar geld gemaak met verskynings in pornografiese video's.

– Lees hier meer.

– Volg Nuus24 op Twitter.