O Shucks, Schuster is terug
2011-11-11 10:07
Kaapstad – Die grapjas Leon Schuster se nuwe fliek is meer soos ’n werklikheidsreeks as ’n loerkamera-prent.
Schuster se nuwe rolprent, Mad Buddies, sal teen middel volgende jaar begin draai.
Dié rolprent is Schuster se eerste sedert 2010 se treffer Schuks Tshabalala's Guide to South Africa, wat plaaslike loketrekords gebreek het en selfs beter gevaar het as sy vorige trefferfliek, Mr Bones 2.
Die rolprent is oor 'n tydperk van 18 maande ontwikkel, en Gray Hofmeyr sal weer in die regisseurstoel sit.
“Ek doen maar net wat my gehoor wil hê,” vertel Schuster oor sy nuutste avontuur in die jongste uitgawe van Huisgenoot.
– Huisgenoot.
– Volg Nuus24 op Twitter.