Nuwe rekord vir televisie kyk
2009-09-06 19:34
Amsterdam – ‘n 28-jarige man van Amsterdam het Sondag ‘n ongesteurde 86 ure voor die televisie voltooi en is nou die wêreldrekordhouer, het die Nederlande uitsaaiers NOS gesê.
Efraim van Oeveren, wat van die dorp Tilburg kom, het ses ure langer voor die televisie deurgebring as die vorige rekordhouer-stoelpatat van Nieu Delhi.
Van Oeveren het uitputting probeer beveg saam met twee ander Nederlandse deelnemers en hulle is bygestaan deur dokters en ‘n jurie.
‘n 20-jarige deelnemer het na 40 ure die handdoek ingegooi, terwyl die 30-jarige vir 72 uur vasgebyt het.
Die reëls van die kompetisie het deelnemers toegelaat om vir vyf minute elke uur ‘n blaaskans te vat om hul oë te rus of om ‘n vinnige stort te neem.
Die deelnemers kom self kies wat hulle wou kyk en die wenner se naam gaan in die Guinness Book of World Records verskyn en hy kry ook ‘n nuwe televisiestel.
- Sapa