Nuwe Michael Jackson-snit, “Breaking News,” vrygestel
2010-11-09 10:40
Los Angeles - Michael Jackson se eerte enkelsnit ná sy dood, wat ook die eerste enkelsnit van sy opkomende album Michael is, is Maandag op sy webwerf vrygestel.
Die liedjie, wat “Breaking News” heet, is ‘n aansteeklike snit waarin die wyle Koning van Pop op onheilspellende wyse oor die nuuswêreld se fassinasie met hom sing.
"Everybody wanting a piece of Michael Jackson/ Reporters stalking the moves of Michael Jackson," het Jackson in die liedjie gesing. "Just when you thought he was done/ He comes to give it again/They want to write my obituary."
Jackson is verlede jaar op 50-jarige ouderdom dood weens ‘n oordosis verdowingsmiddels, wat hy as slaappille ingespan het.
Sommige berigte beweer die lirieke in die nuwe lied is deur ‘n Jackson-namaker gesing, maar sy platemaatskappy, Epic, hou voet by stuk dat dit Jackson agter die mikrofoon was toe die liedjie in 2007 opgeneem is.
- Volg Nuus24 op Twitter
- Sapa-DPA